متصدقيش ..... محمد احمد صديق

من طرف ahmed fathy الأحد يونيو 24, 2012 7:39 pm

متصدقيش لو قالولك ان ابنك مبيحبكيش
متصدقيش لو قالولك ان شعبك من عمايلك مش طايق فيكى يعيش
متصدقيش لو قالولك ان من غيرك هعيش
ازاى من غيرك اعيش
ازاى اكون دايب فيكى ويقولوا مبحبكيش
وازاى وانا لو اطول بدمى افديكى علشان اسمك يعيش
وازاى يقولوا ان شعبك اللى رافع علمك واللى ضحى
بعمره علشان تعلى رايتك مش طايق فيكى يعيش
وازاى يخونوا العهد ويبعوكى ويقولوا انك متساويش
ازاى وانتى اغلى كنز يا خسارة نهبها الباش شاويش
فيكى ارض سمرة وصحرا ونيل وخضرا وسما
كلهم ملكى انا
فيكى حضارة وآثار وكل فرح بنسمع ضرب نار
والطبل والمزمار فيكى العمار فيكى الحياة كلها
وانتى ارض الهنا ازاى اقول انك متساويش
كل احلام الصبا متجمعة فى قلبى هنا
عاشقك انا ............ ازاى اقول هونتى واحلامى ما بتنتهيش
من وقت ما كنت طفل صغير نونو
اسمر زى لونه زغم ان عوده لسه اخضر قادر يشيل حمولك
على شط نيلك بيتمخطر ما هو اصله مجنونك
حبك يا بلدى علمنى اسهر سحرانى عيونك
بحبك رغم انى عايش جوا ارضك زى الغريب
وحيرونى فى عيشتى فيكى ومش لاقى حبيب
جرحونى وعذبونى لما قولت عايز حقى فيكى
ومش لاقى لجروحى طبيب
شلة فساد زادوا العناد فكروا انهم بلغوا المراد
لما سيطر على الزناد ابن العدلى حبيب
لما قالوا على الشباب دول شباب تافه وسيس
فكروا وعملوا اجتماعاتهم وطاوعوا ابليس الخبيث
رسموا خطة بس غلطة باعوا الغالى رخيص
نسيوا دينهم ضاع ايمانهم
قالوا على الثورة خيانة زادوا فى الشعب اهانة
فتحوا سجونهم ورفعوا حالات الطؤارئ
هما السبب يابلد فى اللى صابك
هما الى قتلوا شبابك وهما اللى مرروا العيشة فيكى
مش معقول دول يكونوا احبابك
دمروكى وخربوكى وعاثوا فى الارض الفساد
غلوا كل حاجة فيكى غلوا المية والزاد
عاشوا علشان ينهبوكى يشربوا فى دم العباد
حرمونى حتى احبك آمرونى بالبعاد
متصدقيش لو قالولوك انى قادر
يا حبيبتى عنك ابعد او اهاجر
ما تصدقيش لو قالولك انى يوم مبحبكيش
صدقيهم لو قالولك انى من غيرك مش هقدر اعيش

كلمات محمد صديق