ساعة المنتدى
بحـث
المواضيع الأخيرة
facebook
صفحات شاعر الحرية
تنويه هام جدا
تعلن ادارة منتدى شاعر الحرية عن عدم مسئوليتها عن اى اعلانات غير التى تتم عن طريق الادارة حيث ان باقى الاعلانات توضع عن طريق شركة الاستضافة شركة احلى منتدى كما انه اننا نبذل قصارى جهدنا لنحافظ على حقوق الملكية الفكرية لذلك نرجو من كل من يرى ان هناك خطأ فى الملكية الفكرية يرجى ترك موضوع جديد فى قسم الشكاوى والاقتراحات من خلال الضغط على هذا التنويه
اخلاء طرف
كل الآراء التى يحتويها المنتدى تعبر عن آراء كاتبيها ونخلى طرفنا من أى سوء استغال للمعلومات التى تنشر هنا
شكرا لحسن انتباهكم
مدير المنتدى ahmed fathy
اخلاء طرف
كل الآراء التى يحتويها المنتدى تعبر عن آراء كاتبيها ونخلى طرفنا من أى سوء استغال للمعلومات التى تنشر هنا
شكرا لحسن انتباهكم
مدير المنتدى ahmed fathy
المواضيع الأكثر شعبية
احصائيات
هذا المنتدى يتوفر على 16 عُضو.آخر عُضو مُسجل هو عبد الهادي لبيتي فمرحباً به.
أعضاؤنا قدموا 135 مساهمة في هذا المنتدى في 130 موضوع
المتواجدون الآن ؟
ككل هناك 2 عُضو متصل حالياً :: 0 عضو مُسجل, 0 عُضو مُختفي و 2 زائر لا أحد
أكبر عدد للأعضاء المتواجدين في هذا المنتدى في نفس الوقت كان 73 بتاريخ الإثنين يوليو 02, 2012 9:30 pm
تدفق ال 
مساحة اعلانية 1
احنا معندناش عروسة باكينام اسماعيل
صفحة 1 من اصل 1
احنا معندناش عروسة باكينام اسماعيل
من طرف ahmed fathy الأحد نوفمبر 04, 2012 6:42 pm
لا حرام يعنى هيبقى فلول وكمان احنا آسفين ياريس لاكدا كتير يومية احنا آسفين ياعريس الحلقة السابقة من هــــنـــــــــــــا
النهاردة موعدنا يومية جديدة لباكينام اسماعيل مع
احنا معندناش عروسة
إهئ إهئ وأدى أول عريس يجى بعد الثورة ويطلع فلول ومن أسفين يا ريس وياخد بلوك بس أنا مش هيأس وهتجوز رجل حر وثائر يعنى هتجوز والجوازه مستمره .. قصدى الثورة مستمره
وحياتكوا لهتستمر وهتنجح بعون الله وهنخلع كل فاسد .. ظالم من لغلوغه .. ولسه بكلم نفسى وبديها قلم أقصد أمل .. لقيت جرس الباب بيرن ولقيت طنط خيريه جارتنا داخله تحضن فيا وتبوس وازايك يا كوكى يا حبيبتى عامله ايه يا بنوتة يا جميلة إنتى !
طبعاً أختكوا سمعت الكلمتين دولا وكان هيغمن عليها !
بقى طنط خيرية العضوه فى الحزب اللاوطنى سابقاً تبوسنى أنا وتضحك أصلاً فى وشى ! هى الدنيا جرى فيها إيه يا ناس من ورايا ؟ دى بقالها حوالى سنه ونص مكشرة فى وشى كل ما تشوف وشى من ساعه ما عرفت إنى نزلت ميدان التحرير وقولت الشعب يريد إسقاط النظام !
وكل ما أشغل أغنية من أغانى الثورة بصوت عالى مطقش نفسها وتجرى جرى يا تتصل علينا يا تخبط وتشتكى ماما إن الصوت عالى وإنها يا مصدعه يا عايزة تنام ! غريبه بس قلت لنفسى يمكن تابت ولا حاجه J
المهم طنط خيريه لقيتها بتقولى ناديلى ماما بسرعه عشان عندى ليكوا حته مفاجأة !!
خلتنى أتحولت مفاجأة لينا إحنا ؟ طب هاو ؟ فناديت ماما وقلت لما أشوف يمكن طنط خيرية عايزة تعمل أى عمل خير معانا وتمحى كل ذنوبها الفلوليه قبل أيامها الأخيرة !
المهم لقيتها بتقول لماما أنا جايبه لكوكى حبيبه قلبى حته عريس لقطه عريس كل بنات مصر تتمناه فى ظل الظروف العصيبه التى تمر بها البلاد ! جيبالك عريس اسكندرانى اسمه عادل وظابط بحرية قد الدنيا و هتعيشى معاه فى اسكندرية !
أختكوا طبعاً سمعت ظابط بحرية واسكندرية من هنا وأديتها بقى من بحرى وبنحبوه على الامه بنستوه شبك الجمالات وشبكنى وازاى نقدرو ننسوه من بحرى وبنحبوه ايو ايوه ايـــــــــــــــــوه J
لكن ماما طبعاً حبيت تعترض وتشجب وتحجب وقالتلى هتتغربى يا كوكى على اسكندرية وظابط يا كوكى ظابط ! قلتلها يا حاجه هى اسكندريه بقت غربه هو أنا رايحه تركيا دى هى 3 ولا 4 ساعات وتكونى عندى أو أكون عندك وبعدين بتقولك ظابط بحرية يعنى هيسافر كتير وأنا مع المثل ابعد حبه تزيد محبه بدل ما نفضل طول الوقت وشنا فى وش بعض ونزهق من بعض ما اصل الرجل المصرى يادوب بيتحول بعد شهر العسل على طول ومبيعجبهوش العجب فعلى ايه انا عايزة الجوازة تستمر بدل ما تقلب ثورة مضاده معاه واديله بالخرطوشه J
المهم اتفقنا معاها انها تتفق مع عادل على معاد عشان نتقابل ! وطنط خيريه خرجت من شقتنا من هنا وكل حد من جيرانا شافها اتصل بينا وسأل يطمن خير طنط خيريه كانت عندنا ليه خصوصاً إن الأغلبيه عاملين مقاطعه معاها من يوم الثورة من يوم ما نزلت مصطفى محمود وروكسى لمبارك !
فحكيت ليهم الحوار وهما زيى بالظبط استغربوا لكن قالولى جربيها لكن خدى بالك وابقى طمنينا !
وأنا فضلت كالعاده أرسم أحلام وأتخيل عادل ده ظابط حليوه كده زى كريم عبد العزيز فى الباشا تلميذ لكن يكون باشا بحريه مش شرطه ويخلى القلب يبحر فيه ويعوم ويغطس ويعيش وينتعش ويغسل همومه فيه J
-فات يومين وطنط خيريه لا حس ولا خبر وكل ما أسأل ماما تقولى معرفش يا بنتى هى قالت لما تعرف المعاد هتبلغنا وتقوم غيظانى وتقولى ليكون على حظك غرق يا كوكى Jيالهويز طيب كنا نتجوز ويغرق بعدها براحته ما كده كده فى الاخر هنغرقوه لحد ما يقول أيـــــــــوه J
ولسه مخلصناش كلامنا ولقينا طنط خيريه بتتصل بينا وبتبلغنا المعاد وأن دوله حبيبى جاى القاهرة خلاص بكرة وانها هتيجى معانا !
وجه المعاد وأنا لبست طقم من ألوان الصيف والبحر عشان يغرق فيا على طول والسنارة تغمز
وطول الطريق وأنا قالبه على السندريلا سعاد حسنى وعماله أغنى يا بحر الهوى يا حبيبى أنا .. أنا كنت عايزة أجيلك بقالى كام سنه .. بيقولوا انك قوى وبتجرح بالقوى علمنى بس حاسب عليا من الهوى يا بحر الهوى يا حبيبى أنا J
وقعدت أقول لماما وطنط خيرية يا سلام لو يطلع كده ابن حلال وانا اقول لعم حزومبل أنا عايزة من ده يا حزومبل أنا عايزة من ده J
المهم وصلنا النادى كالعاده ولكن المرة دى عريسى النوسى كوانيسى مجاش .. البيه من أولها شكله عامل فيها الواد التقيل وطبعاً أن قعدت أحتج وأشجب وأنفخ وطنط خيريه تقولى كل تأخيرة وفيها خيره يا كوكى وهى متعرفش إن المثل ده دايماً فاشل معايا وبيكون اخره كل تأخيره وفيها ذخيره !
وفات 10 دقايق وربع ساعه ونص ساعه وقلت لحد كده واستوب ده البيه لا اتصل يعتذر ولا يقول ظروفه ايه وقلبت وشى لوش قبنورى ضد الضحكه ضد الابتسامه ضد الروقان وقلت لماما يلا بينا مش كوكى اللى تستنى عريس ايه ميكنش امين شرطه اسماله ولا دبلوماسى !
ولسه طنط خيريه هتعترض ولقيت اللى داخل علينا ببدله ميرى و بكتاف عريضه وصوت عالى خشن وطلع مسدسه وحطه على التربيزة بتاعتنا وخلى بوظ المسدس فى اتجاهى انا وكأنه عمل كابسه علينا اسماله عليه اسماله عليه !
وفجاءه قال معلش اتأخرت شويه أصل حصل شويه مناوشات مع بلطجيه 25 يناير !
أختكوا بقى ملقتش إلا كلمه واحده خرجت منى بكل عصبيه ونرفزة وقولته مــــن أنــــــــــــت ؟
رفعلى حاجبه الشمال وبص ليا بصه مباشرة فى عينيا وجوووووووووون قالى أنا عريسك يا كوكى !
هـــار أســـــود على بنفسجى .. عريســــــى أنا ؟ هاو ؟ ده شكله ولبسه ونظراته ظابط شرطه مش بحريه !
قولتله لااااا اكيد حضرتك غلطان فى العنوان أنا مستنيه عادل ظابط بحريه مش شرطه ولا ايه يا طنط خيريه ؟
راح ضحك ضحكه صفره هو وطنط خيريه ولقيتها ردت عليا قالتلى انا قلتلك ظابط يا حبيبتى مقولتش بحرى ولا شرطه ولا جيش حتى !
يالهويز عليا إزاى واسكندريه وعلى الامه بنستنوه وايـــــــــوه ده كان ايه ما تقولى كلمه يا ماما !
أمى بعيد عنكوا نزل عليها سهماله ومبقتش عارفه ولا فاهمه إللى بيحصل لكن قالت صح يا مدام خيريه انتى قولتى لينا إنه ظابط بحريه !
راحت بكل سهتنه ردت وقالت أنــــــــا ؟ يا خبر عليا هو أنا كبرت وجالى زهايمر ولا ايه شكلى كده لغبطت بين عادل ابن صاحبتى ظابط البحرية وعادل ابن اختى ظابط الشرطه ! وأنا طبعا جيبالك ابن اختى هو انا بردوا هديكى لحد غريب عنى الاقربون أولى يا كوكى وأنتى حبيبتى حبيبتى من ايام الجيزة قصدى من ايام 25 يناير !
يا حالولــى أيون كده يا طنط شرانيه قصدى خيريه مع ان شرانيه لايق عليكى والله اكتر اظهرى وبانى على حقيقتك أنا بردوا قلتلكم من الأول هاااو طنط خيريه حزب وطنى وتجبلى انا عريس وأنا مع الثورة ! ففهمت على طول طنط بتهددنى من تحت لتحت ولا بتخوفنى ولا بتعمل فيا مقلب وبتاخد حقها منى ! يالهويز علينا يا ماما لقد وقعنا فى الفـــــــــــخ !
المهم ماما وشوشتنى وقالت طيب ايه يا كوكى نخلع يا بنتى ولا نعمل ايه ؟ قولتلها ابداً نخلع فين دى فرصتى أخد حقى وأنا يا الثورة المضاده !
فقعدنا ودوله حبيبى بصلى وقال بكل عجرفه ايه يا ست كوكى ماله ظابط الشرطه عندك مشكله معاهم ولا عقده منهم وكنتى عايزاه بحريه ماله اللى على الأرض مش عاجب حضرتك فى ايه ؟
بينى وبينكم ومخبيش عليكوا انا كنت عايزة أرد عليه بإنى أمسك المسدس بتاعه وأفرغه فى دماغه هو ودماغ طنط شريرة خالته !
بس قولت خسارة فيه أروح لحبل المشنقه عشانهم وفى الاخر يقولوا عليهم هما اللى شهداء وأنا البلطجيه ! فضحكت ليه ضحكه صفره كده وقولتله لا ابداً وهيكون ليا أى مشكله مع ظباط الشرطه فى ايه ده حتى الشرطه المفروض فى خدمه الشعب وهى فيها الصالح وفيها الطالح وعايزة تطهير أكيد وهتطهر ان شاء الله 7 مرات J
لقيته لف المسدس على التربيزة لفه كده بصباعه وبصلى وقالى اااااه انتى بقى حفظوكى الشعارات والكلام الخايب ده فين ؟ إنتى بقى مشتركه فى حركه 6 ابليس ولا كفايه ولا من جماعه الاخوان ولا النور ولا مع مين بالظبط !
قولتله والله يشرفنى اكون منهم هما مصريين على فكرة ولا سرقوا ولا قتلوا ولا نهبوا البلد أنا بنت مصريه وعشت فى البلد وشفت بعينى وكلنا شوفنا فساد فى الشرطه وفى كل مكان ! وصحيح انت بتقول اتأخرت علشان فى شويه مناوشات مع بلطجيه 25 يناير ! على فكرة أسمهم ثوار 25 يناير ياريتكم البلطجيه تمسكوهم وتحكموهم ووقتها كلنا هنرفع القبعه ليكوا والله ونحيكوا !
ضحك ضحكه عاليه وكأنه طبعاً مش عاجبه كلامى وبيتريق عليه وقالى بكرة تكبرى وتعرفى قيمه سياده اللواء حبيب العادلى !
أنا بقى سمعت الكوبليه ده منه وبقيت أقول فى سرى إلهى تنشق الأرض وتبلعك أنت وهو فى يوم واحد أو تبلعك حالاً وتوديك لعنده حالاً بالاً ! لكن لسانى مرداش يسكت أبداً وفلت منى ولقتنى بقوله طيب طالما بتحبه كده وعارف قيمته ما تروح تونسه فى طره !
لقيت امى دخلت فى الموضوع وقالت احم احم ايه يا جماعه مش هنشرب حاجه ونتكلم فى اى موضوع تانى إحنا جايين نتكلم فى السياسه ولا ايه !
قالها ابدا يا طنط دى مجرد دردشه مش بعرف دماغ عروستى ايه ؟ واكيد هنشرب وهناكل كمان !
يا لهويز عليا هو خلاص خلانى عروسته هى هتكون جوازة بقرار الداخليه ولا ايه ؟ وهيشربنى سم ويأكلنى علقه ولا ايه ؟
جه الجارسون ولقيته بيقوله أوامرك يا باشا !؟
أنا سمعت كلمه باشا من هنا وكنت عايزة أقوم أضرب الجارسون بوكس فى وشه ما محدش جابهم لورا إلا النفخ فيهم باشا ويا ريس لما صدقوا إنهم بشوات فعلاً وإحنا الشعب عبيد عندهم !
فبصلى وتك على سنانه وقالى تحبى نشرب إيه .. وضحك كده وقال أنا عايز أشرب على ذوقك وأشوف ذوقك إيه !قولتله الصراحه عايزة أطلبلك كوكتيل قنابل مسيله بالدموع مع طبق خراطيش بالملتوف تتسلى فيهم !
راح مبرقلى كده وقالى نعـــــم ؟ قولتله ااااااقصدى كوكتيل عصير فواكهه أو فخفخينا خلينا نفخفخ شويه بدل النفخه دى !وبقيت قعده بغلى من جوايا يعنى خالته حزب وطنى وهو من ظباط الشرطه الفاسدين كمان ! إيه الفقر إللى أنا فيه ده !
وشويه ولقيته مطلع ورقه وقلم وقالى بقولك إيه يا كوكى قوليلى بقى أسمك إيه بالكامل وخريجه كليه إيه ويعنى شويه بيانات كده عرفينى بيها ؟
تخيلوا بقى إنى المرة دى لا اتعصبت ولا اتعجبت ولا اتصدمت ولا قلت هار اسود ولا أى حاجه العكس خالص جتلى كريزة ضحك ولقتنى بقوله وعلى ايه يا باشا تتعب صوابعك الموز دى وتكتبت أنا أعدى على حضرتك بكرة فى القسم وأعملك فيش وتشبيه وفيش وتقفيش وبالمرة تشوف بصماتى حلوة تعجبك ولا لا !
راحت طنط خيريه نطقت من جديد وقالتلى بجد يا كوكى قولتلها طبعاً يا طنط أومــــــــــــــال .. ما الشعب فى خدمه الشرطه طبعاً!
الباشا وخالته شكلهم صدقوا طبعاً وأفتكروا إنى خفت منهم ولا غيرت موقفى وتحولت لفلول زيهم ولقيت الباشا حط رجل على رجل وفضل يحكيلى عن بطولاته فى ثورة 25 يناير ! وقد إيه هو ضرب وقمع وقتل الشباب إللى زى الورد ! وطبعاً طول الوقت بيتكلم إنهم بلطجيه ورعاع وعملاء وخونه وأجندات وكشاكيل وكراسات ومجلات ........... الخ !
طبعاً أنا قلت أسيبه يفشر ويتكلم ويقضيها لوك لوك لوك للآخر وبعد كده أديله خراطيش كلام تسد نفسه عن الكلام سنه كده قدام ! وسرحت كده وتخيلت نفسى لو اتجوزت الباشا ده يا ترى هعيش مسلسل تركى ولا هعيش مسلسل أكشن على رعب وهيعملى حبس انفرادى ويضربنى بقنابل مسيله للدموع لو اتخانقنا سوى ولا يقضيها بخراطيش معايا ! يا لهويز عليا لاااا الجوازة دى لا يمكن تنجح ابدا !
وأول ما خلص كلامه قولتله طبعاً يا باشا كل كلامك ده على يدى ده أنا حتى شفتك على التلفزيون المصرى منور والله يوم جمعه الغضب فى ميدان التحرير!
راح على طول رفعلى حواجبه وقالى شوفتينى أنـــــا يوم جمعه الغضب فى التلفزيون ؟ قولتله أومــــــال ؟ ولو مش مصدقنى أسأل فى التلفزيون المصرى ! J
وقبل ما ينطق حرف واحد كمان قولتله معلش استأذنك أدخل التواليت وأرجعلك عشان نكمل سوى الحوار الممتع ده وتنورنى كده وتعرفنى إللى أنا معرفهوش ولا شفتوش يا باشا !
وبصيت لماما وقلتلها معلش تيجى معايا ! وأخدت امى ومشينا وطبعاً أمى مش فاهمه إللى فيها وعماله تقولى رايحه فين يا كوكى قولتلها استنى يا ست ماما اصبرى كل حاجه هتعرفيها حالاً وأخدتها وطلعنا على بوابه النادى ووقفت تاكسى وقلت لماما اركبى بسرعه بس يلا وانت يا اسطا يا جميل أستنى شويه وهاجى بس خليك مدور العربية .. ومسكت طوبه من الشارع ودخلت النادى تانى ولقتنى بركز على التربيزة إللى فيها طنط خيريه الشرانيه والباشا دوله حبيبى ووهووووووووووووب حدفتها عليهم فجت فى عين الباشا !
و فضل الباشا يقول عينى اه يا عينى .. وطنط خيريه ظهرت على حقيقتها واخيراً صوتت بنت سلطح ملطح وبصتلى هى والباشا وقالوا الحقونا وامسكوا العروسه .. قولتلهم هأأأأأأأأو إحنا أصلاً معندناش عروســــــه J
وجريت جرى على التاكسى وركبته وقولتله اجرى بسرعه فى بلطجيه بتجرى ورايا .. وطبعا هو سمع بلطجيه فجرى فوريرة على البيت وماما طبعاً مخضوضه وعماله تقولى حصل ايه ؟ وايه الصويت ده ؟ فحكتلها على طول وطبعاً أمى اتحولت وجالها صدمه من كلامى ومتخيلتش إنى ممكن أعمل كده !
بس أمى متعرفش إنه من عاشر القوم بقى وهو الباشا عارف من خالته كويس انى مع الثورة وعمل يقول بلطجيه واجندات وبتنجان فكان لازم أكد كلامه أومــــــــــــال أكدبه يعنى ميصحش برده ! J
ووصلنا العمارة من هنا وجريت على الأنتركم ورنيت على كل الجيران المحترمه الثوار من العمارة وقولتلهم الحقونى طنط خيريه طلعت شرانيه وضحكت عليا وجابتلى ابن اختها ظابط الشرطه وجايين ورايا يقفشونى !
وأختكم محتاجه حالاً بالاً لجان شعبيه تحت العمارة وفى البلكونه بالعلم المصرى واتفقت معاهم على خطه فى السريع ! وطلعنا البيت ووقفت فى البلكونه وانا ماسكه علم مصر أنا وماما وجيرانى لحد ما فات حوالى 10 دقايق ولقيت الباشا شرف هو وخالته وعمل بالعربيه حته فرمله امريكانى خلى الشارع كله يتخض من صوتها ! ونزل من هنا هو وخالته ولقى تحت العمارة رجالة زى الفل واقفين ليهم زى الاسود وأنا وباقى الجيران واقفين فى البلكونه وبأعلى صوت فيا والجيران بيقولوا ورايا الشعب خلاص أسقط النظام .... وكوكى والعمارة إيد واحده .. وكوكى حره فلول بره .. وعمارتنا حره خيريه بره .. عمارتنا حره عدوله بره !
خلينا طنطكوا خيريه ترتعش هى والباشا إللى معاها تحول من ظابط شرطه لظابط إيقاع رجليه وجسمه كله بيترقص من الرعب !
فلقينا طنط خيريه شدته جوه العربيه على طول وطلعوا بالعربيه طيران ! وأنا وجيرانى على نغمه واحده مع السلامه .. مع السلامه يا أبو رتبه مايله !
لمتابعة باقى الحلقات من على المدونة الخاصة بالكاتبة من
هــــــــنـــــــا
لمتابعة صفحات الكاتبة على مواقع التواصل الاجتماعى
الصفحة الشخصية للكاتبة
الصفحة الرسمية
تويتر
تحميل كتاب يوميات بنوتة لباكينام اسماعيل
مــــن هـــنــــــــــا
النهاردة موعدنا يومية جديدة لباكينام اسماعيل مع
احنا معندناش عروسة
إهئ إهئ وأدى أول عريس يجى بعد الثورة ويطلع فلول ومن أسفين يا ريس وياخد بلوك بس أنا مش هيأس وهتجوز رجل حر وثائر يعنى هتجوز والجوازه مستمره .. قصدى الثورة مستمره
وحياتكوا لهتستمر وهتنجح بعون الله وهنخلع كل فاسد .. ظالم من لغلوغه .. ولسه بكلم نفسى وبديها قلم أقصد أمل .. لقيت جرس الباب بيرن ولقيت طنط خيريه جارتنا داخله تحضن فيا وتبوس وازايك يا كوكى يا حبيبتى عامله ايه يا بنوتة يا جميلة إنتى !
طبعاً أختكوا سمعت الكلمتين دولا وكان هيغمن عليها !
بقى طنط خيرية العضوه فى الحزب اللاوطنى سابقاً تبوسنى أنا وتضحك أصلاً فى وشى ! هى الدنيا جرى فيها إيه يا ناس من ورايا ؟ دى بقالها حوالى سنه ونص مكشرة فى وشى كل ما تشوف وشى من ساعه ما عرفت إنى نزلت ميدان التحرير وقولت الشعب يريد إسقاط النظام !
وكل ما أشغل أغنية من أغانى الثورة بصوت عالى مطقش نفسها وتجرى جرى يا تتصل علينا يا تخبط وتشتكى ماما إن الصوت عالى وإنها يا مصدعه يا عايزة تنام ! غريبه بس قلت لنفسى يمكن تابت ولا حاجه J
المهم طنط خيريه لقيتها بتقولى ناديلى ماما بسرعه عشان عندى ليكوا حته مفاجأة !!
خلتنى أتحولت مفاجأة لينا إحنا ؟ طب هاو ؟ فناديت ماما وقلت لما أشوف يمكن طنط خيرية عايزة تعمل أى عمل خير معانا وتمحى كل ذنوبها الفلوليه قبل أيامها الأخيرة !
المهم لقيتها بتقول لماما أنا جايبه لكوكى حبيبه قلبى حته عريس لقطه عريس كل بنات مصر تتمناه فى ظل الظروف العصيبه التى تمر بها البلاد ! جيبالك عريس اسكندرانى اسمه عادل وظابط بحرية قد الدنيا و هتعيشى معاه فى اسكندرية !
أختكوا طبعاً سمعت ظابط بحرية واسكندرية من هنا وأديتها بقى من بحرى وبنحبوه على الامه بنستوه شبك الجمالات وشبكنى وازاى نقدرو ننسوه من بحرى وبنحبوه ايو ايوه ايـــــــــــــــــوه J
لكن ماما طبعاً حبيت تعترض وتشجب وتحجب وقالتلى هتتغربى يا كوكى على اسكندرية وظابط يا كوكى ظابط ! قلتلها يا حاجه هى اسكندريه بقت غربه هو أنا رايحه تركيا دى هى 3 ولا 4 ساعات وتكونى عندى أو أكون عندك وبعدين بتقولك ظابط بحرية يعنى هيسافر كتير وأنا مع المثل ابعد حبه تزيد محبه بدل ما نفضل طول الوقت وشنا فى وش بعض ونزهق من بعض ما اصل الرجل المصرى يادوب بيتحول بعد شهر العسل على طول ومبيعجبهوش العجب فعلى ايه انا عايزة الجوازة تستمر بدل ما تقلب ثورة مضاده معاه واديله بالخرطوشه J
المهم اتفقنا معاها انها تتفق مع عادل على معاد عشان نتقابل ! وطنط خيريه خرجت من شقتنا من هنا وكل حد من جيرانا شافها اتصل بينا وسأل يطمن خير طنط خيريه كانت عندنا ليه خصوصاً إن الأغلبيه عاملين مقاطعه معاها من يوم الثورة من يوم ما نزلت مصطفى محمود وروكسى لمبارك !
فحكيت ليهم الحوار وهما زيى بالظبط استغربوا لكن قالولى جربيها لكن خدى بالك وابقى طمنينا !
وأنا فضلت كالعاده أرسم أحلام وأتخيل عادل ده ظابط حليوه كده زى كريم عبد العزيز فى الباشا تلميذ لكن يكون باشا بحريه مش شرطه ويخلى القلب يبحر فيه ويعوم ويغطس ويعيش وينتعش ويغسل همومه فيه J
-فات يومين وطنط خيريه لا حس ولا خبر وكل ما أسأل ماما تقولى معرفش يا بنتى هى قالت لما تعرف المعاد هتبلغنا وتقوم غيظانى وتقولى ليكون على حظك غرق يا كوكى Jيالهويز طيب كنا نتجوز ويغرق بعدها براحته ما كده كده فى الاخر هنغرقوه لحد ما يقول أيـــــــــوه J
ولسه مخلصناش كلامنا ولقينا طنط خيريه بتتصل بينا وبتبلغنا المعاد وأن دوله حبيبى جاى القاهرة خلاص بكرة وانها هتيجى معانا !
وجه المعاد وأنا لبست طقم من ألوان الصيف والبحر عشان يغرق فيا على طول والسنارة تغمز
وطول الطريق وأنا قالبه على السندريلا سعاد حسنى وعماله أغنى يا بحر الهوى يا حبيبى أنا .. أنا كنت عايزة أجيلك بقالى كام سنه .. بيقولوا انك قوى وبتجرح بالقوى علمنى بس حاسب عليا من الهوى يا بحر الهوى يا حبيبى أنا J
وقعدت أقول لماما وطنط خيرية يا سلام لو يطلع كده ابن حلال وانا اقول لعم حزومبل أنا عايزة من ده يا حزومبل أنا عايزة من ده J
المهم وصلنا النادى كالعاده ولكن المرة دى عريسى النوسى كوانيسى مجاش .. البيه من أولها شكله عامل فيها الواد التقيل وطبعاً أن قعدت أحتج وأشجب وأنفخ وطنط خيريه تقولى كل تأخيرة وفيها خيره يا كوكى وهى متعرفش إن المثل ده دايماً فاشل معايا وبيكون اخره كل تأخيره وفيها ذخيره !
وفات 10 دقايق وربع ساعه ونص ساعه وقلت لحد كده واستوب ده البيه لا اتصل يعتذر ولا يقول ظروفه ايه وقلبت وشى لوش قبنورى ضد الضحكه ضد الابتسامه ضد الروقان وقلت لماما يلا بينا مش كوكى اللى تستنى عريس ايه ميكنش امين شرطه اسماله ولا دبلوماسى !
ولسه طنط خيريه هتعترض ولقيت اللى داخل علينا ببدله ميرى و بكتاف عريضه وصوت عالى خشن وطلع مسدسه وحطه على التربيزة بتاعتنا وخلى بوظ المسدس فى اتجاهى انا وكأنه عمل كابسه علينا اسماله عليه اسماله عليه !
وفجاءه قال معلش اتأخرت شويه أصل حصل شويه مناوشات مع بلطجيه 25 يناير !
أختكوا بقى ملقتش إلا كلمه واحده خرجت منى بكل عصبيه ونرفزة وقولته مــــن أنــــــــــــت ؟
رفعلى حاجبه الشمال وبص ليا بصه مباشرة فى عينيا وجوووووووووون قالى أنا عريسك يا كوكى !
هـــار أســـــود على بنفسجى .. عريســــــى أنا ؟ هاو ؟ ده شكله ولبسه ونظراته ظابط شرطه مش بحريه !
قولتله لااااا اكيد حضرتك غلطان فى العنوان أنا مستنيه عادل ظابط بحريه مش شرطه ولا ايه يا طنط خيريه ؟
راح ضحك ضحكه صفره هو وطنط خيريه ولقيتها ردت عليا قالتلى انا قلتلك ظابط يا حبيبتى مقولتش بحرى ولا شرطه ولا جيش حتى !
يالهويز عليا إزاى واسكندريه وعلى الامه بنستنوه وايـــــــــوه ده كان ايه ما تقولى كلمه يا ماما !
أمى بعيد عنكوا نزل عليها سهماله ومبقتش عارفه ولا فاهمه إللى بيحصل لكن قالت صح يا مدام خيريه انتى قولتى لينا إنه ظابط بحريه !
راحت بكل سهتنه ردت وقالت أنــــــــا ؟ يا خبر عليا هو أنا كبرت وجالى زهايمر ولا ايه شكلى كده لغبطت بين عادل ابن صاحبتى ظابط البحرية وعادل ابن اختى ظابط الشرطه ! وأنا طبعا جيبالك ابن اختى هو انا بردوا هديكى لحد غريب عنى الاقربون أولى يا كوكى وأنتى حبيبتى حبيبتى من ايام الجيزة قصدى من ايام 25 يناير !
يا حالولــى أيون كده يا طنط شرانيه قصدى خيريه مع ان شرانيه لايق عليكى والله اكتر اظهرى وبانى على حقيقتك أنا بردوا قلتلكم من الأول هاااو طنط خيريه حزب وطنى وتجبلى انا عريس وأنا مع الثورة ! ففهمت على طول طنط بتهددنى من تحت لتحت ولا بتخوفنى ولا بتعمل فيا مقلب وبتاخد حقها منى ! يالهويز علينا يا ماما لقد وقعنا فى الفـــــــــــخ !
المهم ماما وشوشتنى وقالت طيب ايه يا كوكى نخلع يا بنتى ولا نعمل ايه ؟ قولتلها ابداً نخلع فين دى فرصتى أخد حقى وأنا يا الثورة المضاده !
فقعدنا ودوله حبيبى بصلى وقال بكل عجرفه ايه يا ست كوكى ماله ظابط الشرطه عندك مشكله معاهم ولا عقده منهم وكنتى عايزاه بحريه ماله اللى على الأرض مش عاجب حضرتك فى ايه ؟
بينى وبينكم ومخبيش عليكوا انا كنت عايزة أرد عليه بإنى أمسك المسدس بتاعه وأفرغه فى دماغه هو ودماغ طنط شريرة خالته !
بس قولت خسارة فيه أروح لحبل المشنقه عشانهم وفى الاخر يقولوا عليهم هما اللى شهداء وأنا البلطجيه ! فضحكت ليه ضحكه صفره كده وقولتله لا ابداً وهيكون ليا أى مشكله مع ظباط الشرطه فى ايه ده حتى الشرطه المفروض فى خدمه الشعب وهى فيها الصالح وفيها الطالح وعايزة تطهير أكيد وهتطهر ان شاء الله 7 مرات J
لقيته لف المسدس على التربيزة لفه كده بصباعه وبصلى وقالى اااااه انتى بقى حفظوكى الشعارات والكلام الخايب ده فين ؟ إنتى بقى مشتركه فى حركه 6 ابليس ولا كفايه ولا من جماعه الاخوان ولا النور ولا مع مين بالظبط !
قولتله والله يشرفنى اكون منهم هما مصريين على فكرة ولا سرقوا ولا قتلوا ولا نهبوا البلد أنا بنت مصريه وعشت فى البلد وشفت بعينى وكلنا شوفنا فساد فى الشرطه وفى كل مكان ! وصحيح انت بتقول اتأخرت علشان فى شويه مناوشات مع بلطجيه 25 يناير ! على فكرة أسمهم ثوار 25 يناير ياريتكم البلطجيه تمسكوهم وتحكموهم ووقتها كلنا هنرفع القبعه ليكوا والله ونحيكوا !
ضحك ضحكه عاليه وكأنه طبعاً مش عاجبه كلامى وبيتريق عليه وقالى بكرة تكبرى وتعرفى قيمه سياده اللواء حبيب العادلى !
أنا بقى سمعت الكوبليه ده منه وبقيت أقول فى سرى إلهى تنشق الأرض وتبلعك أنت وهو فى يوم واحد أو تبلعك حالاً وتوديك لعنده حالاً بالاً ! لكن لسانى مرداش يسكت أبداً وفلت منى ولقتنى بقوله طيب طالما بتحبه كده وعارف قيمته ما تروح تونسه فى طره !
لقيت امى دخلت فى الموضوع وقالت احم احم ايه يا جماعه مش هنشرب حاجه ونتكلم فى اى موضوع تانى إحنا جايين نتكلم فى السياسه ولا ايه !
قالها ابدا يا طنط دى مجرد دردشه مش بعرف دماغ عروستى ايه ؟ واكيد هنشرب وهناكل كمان !
يا لهويز عليا هو خلاص خلانى عروسته هى هتكون جوازة بقرار الداخليه ولا ايه ؟ وهيشربنى سم ويأكلنى علقه ولا ايه ؟
جه الجارسون ولقيته بيقوله أوامرك يا باشا !؟
أنا سمعت كلمه باشا من هنا وكنت عايزة أقوم أضرب الجارسون بوكس فى وشه ما محدش جابهم لورا إلا النفخ فيهم باشا ويا ريس لما صدقوا إنهم بشوات فعلاً وإحنا الشعب عبيد عندهم !
فبصلى وتك على سنانه وقالى تحبى نشرب إيه .. وضحك كده وقال أنا عايز أشرب على ذوقك وأشوف ذوقك إيه !قولتله الصراحه عايزة أطلبلك كوكتيل قنابل مسيله بالدموع مع طبق خراطيش بالملتوف تتسلى فيهم !
راح مبرقلى كده وقالى نعـــــم ؟ قولتله ااااااقصدى كوكتيل عصير فواكهه أو فخفخينا خلينا نفخفخ شويه بدل النفخه دى !وبقيت قعده بغلى من جوايا يعنى خالته حزب وطنى وهو من ظباط الشرطه الفاسدين كمان ! إيه الفقر إللى أنا فيه ده !
وشويه ولقيته مطلع ورقه وقلم وقالى بقولك إيه يا كوكى قوليلى بقى أسمك إيه بالكامل وخريجه كليه إيه ويعنى شويه بيانات كده عرفينى بيها ؟
تخيلوا بقى إنى المرة دى لا اتعصبت ولا اتعجبت ولا اتصدمت ولا قلت هار اسود ولا أى حاجه العكس خالص جتلى كريزة ضحك ولقتنى بقوله وعلى ايه يا باشا تتعب صوابعك الموز دى وتكتبت أنا أعدى على حضرتك بكرة فى القسم وأعملك فيش وتشبيه وفيش وتقفيش وبالمرة تشوف بصماتى حلوة تعجبك ولا لا !
راحت طنط خيريه نطقت من جديد وقالتلى بجد يا كوكى قولتلها طبعاً يا طنط أومــــــــــــــال .. ما الشعب فى خدمه الشرطه طبعاً!
الباشا وخالته شكلهم صدقوا طبعاً وأفتكروا إنى خفت منهم ولا غيرت موقفى وتحولت لفلول زيهم ولقيت الباشا حط رجل على رجل وفضل يحكيلى عن بطولاته فى ثورة 25 يناير ! وقد إيه هو ضرب وقمع وقتل الشباب إللى زى الورد ! وطبعاً طول الوقت بيتكلم إنهم بلطجيه ورعاع وعملاء وخونه وأجندات وكشاكيل وكراسات ومجلات ........... الخ !
طبعاً أنا قلت أسيبه يفشر ويتكلم ويقضيها لوك لوك لوك للآخر وبعد كده أديله خراطيش كلام تسد نفسه عن الكلام سنه كده قدام ! وسرحت كده وتخيلت نفسى لو اتجوزت الباشا ده يا ترى هعيش مسلسل تركى ولا هعيش مسلسل أكشن على رعب وهيعملى حبس انفرادى ويضربنى بقنابل مسيله للدموع لو اتخانقنا سوى ولا يقضيها بخراطيش معايا ! يا لهويز عليا لاااا الجوازة دى لا يمكن تنجح ابدا !
وأول ما خلص كلامه قولتله طبعاً يا باشا كل كلامك ده على يدى ده أنا حتى شفتك على التلفزيون المصرى منور والله يوم جمعه الغضب فى ميدان التحرير!
راح على طول رفعلى حواجبه وقالى شوفتينى أنـــــا يوم جمعه الغضب فى التلفزيون ؟ قولتله أومــــــال ؟ ولو مش مصدقنى أسأل فى التلفزيون المصرى ! J
وقبل ما ينطق حرف واحد كمان قولتله معلش استأذنك أدخل التواليت وأرجعلك عشان نكمل سوى الحوار الممتع ده وتنورنى كده وتعرفنى إللى أنا معرفهوش ولا شفتوش يا باشا !
وبصيت لماما وقلتلها معلش تيجى معايا ! وأخدت امى ومشينا وطبعاً أمى مش فاهمه إللى فيها وعماله تقولى رايحه فين يا كوكى قولتلها استنى يا ست ماما اصبرى كل حاجه هتعرفيها حالاً وأخدتها وطلعنا على بوابه النادى ووقفت تاكسى وقلت لماما اركبى بسرعه بس يلا وانت يا اسطا يا جميل أستنى شويه وهاجى بس خليك مدور العربية .. ومسكت طوبه من الشارع ودخلت النادى تانى ولقتنى بركز على التربيزة إللى فيها طنط خيريه الشرانيه والباشا دوله حبيبى ووهووووووووووووب حدفتها عليهم فجت فى عين الباشا !
و فضل الباشا يقول عينى اه يا عينى .. وطنط خيريه ظهرت على حقيقتها واخيراً صوتت بنت سلطح ملطح وبصتلى هى والباشا وقالوا الحقونا وامسكوا العروسه .. قولتلهم هأأأأأأأأو إحنا أصلاً معندناش عروســــــه J
وجريت جرى على التاكسى وركبته وقولتله اجرى بسرعه فى بلطجيه بتجرى ورايا .. وطبعا هو سمع بلطجيه فجرى فوريرة على البيت وماما طبعاً مخضوضه وعماله تقولى حصل ايه ؟ وايه الصويت ده ؟ فحكتلها على طول وطبعاً أمى اتحولت وجالها صدمه من كلامى ومتخيلتش إنى ممكن أعمل كده !
بس أمى متعرفش إنه من عاشر القوم بقى وهو الباشا عارف من خالته كويس انى مع الثورة وعمل يقول بلطجيه واجندات وبتنجان فكان لازم أكد كلامه أومــــــــــــال أكدبه يعنى ميصحش برده ! J
ووصلنا العمارة من هنا وجريت على الأنتركم ورنيت على كل الجيران المحترمه الثوار من العمارة وقولتلهم الحقونى طنط خيريه طلعت شرانيه وضحكت عليا وجابتلى ابن اختها ظابط الشرطه وجايين ورايا يقفشونى !
وأختكم محتاجه حالاً بالاً لجان شعبيه تحت العمارة وفى البلكونه بالعلم المصرى واتفقت معاهم على خطه فى السريع ! وطلعنا البيت ووقفت فى البلكونه وانا ماسكه علم مصر أنا وماما وجيرانى لحد ما فات حوالى 10 دقايق ولقيت الباشا شرف هو وخالته وعمل بالعربيه حته فرمله امريكانى خلى الشارع كله يتخض من صوتها ! ونزل من هنا هو وخالته ولقى تحت العمارة رجالة زى الفل واقفين ليهم زى الاسود وأنا وباقى الجيران واقفين فى البلكونه وبأعلى صوت فيا والجيران بيقولوا ورايا الشعب خلاص أسقط النظام .... وكوكى والعمارة إيد واحده .. وكوكى حره فلول بره .. وعمارتنا حره خيريه بره .. عمارتنا حره عدوله بره !
خلينا طنطكوا خيريه ترتعش هى والباشا إللى معاها تحول من ظابط شرطه لظابط إيقاع رجليه وجسمه كله بيترقص من الرعب !
فلقينا طنط خيريه شدته جوه العربيه على طول وطلعوا بالعربيه طيران ! وأنا وجيرانى على نغمه واحده مع السلامه .. مع السلامه يا أبو رتبه مايله !
لمتابعة باقى الحلقات من على المدونة الخاصة بالكاتبة من
هــــــــنـــــــا
لمتابعة صفحات الكاتبة على مواقع التواصل الاجتماعى
الصفحة الشخصية للكاتبة
الصفحة الرسمية
تويتر
تحميل كتاب يوميات بنوتة لباكينام اسماعيل
مــــن هـــنــــــــــا
ahmed fathy- Admin
- عدد المساهمات : 135
نقاط : 425
تاريخ التسجيل : 21/10/2011
العمر : 33
الموقع : www.africa.7olm.org -
مواضيع مماثلة» مــــــــــؤلــــــــم ! باكينام اسماعيل
» حـــصــرياً.... كتاب يوميات بنوتة لــ باكينام اسماعيل اون لاين | شاعر الحرية
» بالصور يوميات باكينام اسماعيل تتصدر نتائج البحث|شاعر الحرية
» إحنا أسفين يـا عـريــس يوميات بنوتة ثائرة با كينام اسماعيل
» حـــصــرياً.... كتاب يوميات بنوتة لــ باكينام اسماعيل اون لاين | شاعر الحرية
» بالصور يوميات باكينام اسماعيل تتصدر نتائج البحث|شاعر الحرية
» إحنا أسفين يـا عـريــس يوميات بنوتة ثائرة با كينام اسماعيل
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
» جديد | قصيدة ديل حصان من ديوان ( دارت الدايرة ) لخالد الجمال | شاعر الحرية
» جديد : عمر كمال يطرح البومه الجديد كلام ميهمنيش | شاعر الحرية
» انت ذاتك السجان | شاعر الحرية
» فاتنة العرب | شاعر الحرية
» أحبك | شاعر الحرية
» بوكيه ورود
» سكوت | شاعرالحرية
» نفسى نروح السيما | عامىة
» حـــصــرياً.... كتاب يوميات بنوتة لــ باكينام اسماعيل اون لاين | شاعر الحرية
» بالصور جولة داخل جاليرى الطاهرة عمارى | شاعر الحرية
» كوداعلانات جديد بلغة html | شاعر الحرية
» عدد اكتوبر جريدة سواسية | شاعر الحرية
» العدد الجديد جريدة البداية المصرية -السويس | شاعر الحرية
» احنا معندناش عروسة باكينام اسماعيل