رسالة من مصري غريب في مصر

ضحكتك يا مصر وحشاني ، سنين والدمع مالي العين .
والضحكة مكتومة والدمع بحر منبعه معرفش منين .
سنين وجهل الظلم على نفسي كاتم .
هو الخصم والحكم وأنا اللى بتحاكم .
مخنوق هأموت ، ناديت وبأعلى صوت .
يا بلادي عيشي حرة ، وفداكى أنا أموت .
يا بلادي عيشي حرة وبدلي الجهل نور
أنا اللي بحبك يا مصر للتحرير بثور
بعد ما كتبت حبك في ورقة وزعتها قالوا عليها منشور
دلوقتى أقولها وبأعلى صوت يابلادى عيشي حرة وفداكى أنا أموت
مالى يا مصر شايفك حزينة دا النهاردة فرحك يوم عطر حنة وزينة
ماليش نِفس يابنى غير لما تقوم تبنى
أبنى يا أبنى اللي أتهد وسد بحر الفساد اللي مش راضى يتسد
أو أعمل ما بيني وبينه سد و خليك هنا جنبي لأنك واحشني بجد
أنتي كمان يا مصر وحشاني ، جايز بعد سنين الظلم نسياني
هاقولك أنا مين
أنا ابن أسيوط من قنا جنب سوهاج في صعيدك الجوانى
أنا اللي فيك عشت عشقت
نيل الهرم أهل الكرم، أسكندرية المنارة وشمسك في أسوان وهرم سقارة
إسالى عنى بورسعيد وأرض القنال
أو إسألى عنى سينا ما هي برضه عرفاني
أو بصى على ترابك ما أنا كاتب بدمى عليه عنواني
شايفة المساجد والكنايس والمعابد دى كلها بيتي
وخالتي أم محمد بتعمل أكل بالسمن البيتى
إسالى عنى تلاقيني هناك عندها
ولاهي قربتي ولا أنا صاحب ابنها
بس أنا مصري وكل المصروية ولادها عندها
نفسي يا مصر تردى وتقولي انك عرفاني
لأني بجد بعد سنين من غربتي فيك أنتي وحشاني
Ahmed fathy