فوقت من وهم... انى بحبك

من طرف ahmed fathy الثلاثاء أبريل 10, 2012 4:11 pm

كنت بحلم ابقى ليكى
كنت بحلم كنت بغير
كنت فاكر انك أميرتى
كنت فاكر انى أمير

وصحيت من حلمى لكن
تاهت كل الاماكن
وأتغير الضمير
صحيت من حلمى على صرخة قلبى
أتارى حلمى كان كبير
كنت بحلم تبقى أعلى كنتى فاكرانا عبيد
كان بيصرخ وايايا قلمى كان بيصرخ قلبى بوجعنا
كنا بنعلى فى صراخنا
كنتى بتزيدى آلمنا

حتى الحقيقة الوحيدة انى بحبك... طلعت كلام
تاهت وسط الزحام .... تاهت ومش لاقى بدلها كلام
كان زمان حلمى صغير ... كان يدوب حلم ليا
ومن يوم ما شوفتك على القنال سرحت انا فى الدنيا دية
سرحت وايا أجمل عيون
وابتدت ارسم حياتى
أسهر وايا آهاتى

كنت فاكر انى بحبك طلعت انتى كل حياتى
حتى حياتى مش عايشها
يرضى مين فى الدنيا دية
أسهر ليلاتى مع نفسى وآهاتى
وقول لقلبى بتحبنى يمكن جرحتها جايز

وكان فى ما بينى وبينك ألف حاجز
وانا اللى كنت اعمى ضرير
انا اللى خلانى حبك اسرح وايا الاغانى
خلانى ارسم الون اجمل امانى
انى هبقى فى يوم ليكى
انك هتكونى اميرتى
اتارينى اصلا مش أمير
اعذرينى على حلمى جايز
فى يوم يتحقق بس لو غيرنا الضمير

وكان حلمى كل يوم بيكبر
وفجأة برج الامانى اتهد وغيرتى حالى
قولت هبعد يمكن أعيش
ومش عايز من الدنيا حد
زى النيل وزى السد
ما هو النيل بيحلم يغرقنا تانى
أهو حلم ممكن يحققه
والسد يوماتى يناهد يمكن يمنعه
وفى النهاية النهر جارى
قولت هبعد
هبنى فى الفرح مدينتى
طلع الحزن فيها جارى
كل مابنى فيها قصر
ويتملى بالجوارى
تطلع كل الجوارى انتى
ارفضه
ارفض اكون أمير ومتكونيش أميرتى
ورجعت لكوخى القديم
لا جوارى ولا حريم
قلت هسكن مع حياتى
طلعت حياتى برضه انتى
قلت اجبلك من النهاية للبداية
أما انى اكون واياكى أمير
أو متكونيش انتى أميرتى

كلمات :::::::: أحمد فتحى

[/color]